وزیرِداخلہ کا تھانہ کھنہ کا دورہ، افسران کی غیر موجودگی پر اظہارِ برہمی

وزیرِداخلہ محسن نقوی نے اسلام آباد کے تھانہ کھنہ کا دورہ کیا اور تفتیشی افسران کے غیر حاضر ہونے پر شدید برہمی کا اظہار کیا۔

وزیرداخلہ نے چار ریڑھی بانوں کو چھوڑنے کا حکم دیا اور تھانے میں بند موٹرسائیکلیں ان کے مالکان کے حوالے کرنے کی بھی ہدایت کی۔

جب وفاقی وزیرِ داخلہ اسلام آباد کے تھانہ کھنہ پہنچے تو تفتیشی افسر ٹیوٹی پر موجود نہیں تھے اور متعدد سائلین ان کا انتظار کر رہے تھے۔

محسن نقوی نے تھانے کی کارکردگی کے بارے میں معلومات حاصل کرنے کی کوشش کی تاہم ڈیوٹی افسر کسی بھی سوال کا تسلی بخش جواب نہ دے سکا۔