پی ٹی آئی کو دھچکا، کراچی میئر کے امیدوار خرم شیر زمان یوسی الیکشن بھی نہ جیت سکے

کراچی: شہر قائد کے بلدیاتی انتخابات میں پی ٹی آئی کراچی کے صدر اور رکن سندھ اسمبلی خرم شیر زمان یوسی کا الیکشن ہار گئے۔ کراچی میں تحریک انصاف کو سخت دھچکا پہنچا ہے، پی ٹی آئی کراچی کے صدر اور موجودہ رکن سندھ اسمبلی خرم شیر زمان کراچی میں یوسی کا الیکشن بھی نہیں جیت سکے۔اطلاعات کے مطابق انہیں صدر ٹاؤن کی یوس گیارہ میں شکست ہوئی اور ان کے مدمقابل پیپلز پارٹی کے امیدوار نجمی عالمی کامیاب ہوگئے۔ نجمی عالم نے اس نشست پر 2696 ووٹ حاصل کیے۔ان کی شکست پر پیپلز پارٹی کے رہنما و صوبائی وزیر سعید غنی نے کہا ہے کہ پی ٹی آئی کے دماغ سے خناس نکل گیا کہ کراچی ان کا ہے، کراچی کے لوگوں نے پیپلز پارٹی پر بھرپور اعتماد کا ووٹ دیا، کراچی کے شہریوں کے اعتماد پر پورا اتریں گے۔ انہوں نے کہا کہ پیپلز پارٹی کراچی اور سندھ میں بڑی جماعت بن کر سامنے آئی ہے، جماعت اسلامی کو بھی مبارکباد دیتا ہوں، جماعت اسلامی پیپلز پارٹی سے تھوڑا پیچھے ہے، پیپلز پارٹی نے کئی برس سندھ کی خدمت کی ہے، جماعت اسلامی کی کارکردگی بہتر رہی ہے۔ان کا مزید کہنا تھا کہ خرم شیر زمان کراچی کے میئر بنے بیٹھے ہیں لیکن انہیں شکست ہوئی، جماعت اسلامی سمیت سب سے بات کریں گے لیکن پی ٹی آئی سے کوئی بات نہیں ہوگی۔واضح رہے کہ تحریک انصاف کی جانب سے خرم شیر زمان کو کراچی کے میئر کے لیے منتخب کیا گیا تھا تاہم وہ یوسی الیکشن ہی ہار گئے