پنجاب میں 70 ویلفیئر سکول قائم

صوبہ پنجاب میں تعلیم کے فروغ کے لیے محکمہ تعلیم کی جانب سے مختلف اضلاع میں 70 ورکرز ویلفیئر سکولوں کا نیٹ ورک قائم کیا گیا ہے۔ جہاں لڑکوں اور لڑکیوں کو پرائمری سے لے کر ہائیر سیکنڈری تک مفت تعلیم فراہم کی جاہی ہے۔ سکولوں میں تعلیمی سرگرمیوں کی موثر نگرانی کے لیے سیکرٹری بورڈ، پنجاب عبدلرؤف نے مورگاہ سکول کی گرلز برانچ کا دورہ کیا۔ اس موقع پر سکول کی پرنسپل عروج ہمدانی بھی انکے ہمراہ تھیں۔ سیکرٹری راولپنڈی بورڈ نے سکول میں فراہم کی جانیوالی سہولیات پر اطمینان کا اظہار کیا اور اساتذہ کی کاوشوں کر خراج تحسین پیش کیا۔ اس موقع پر سیکرٹری بورڈ، پنجاب نے اساتذہ کو انھیں درپیش مسائل کے حل کے لیے ہر ممکن تعاون کی یقین دہانی کرواتے ہوئے انکی کارکردگی کو سراہا۔سکول کے دورے کے موقع پر سیکرٹری تعلیمی بورڈ نے شجرکاری مہم کے تحت سکول میں پودا بھی لگایا.