وزیراعلیٰ خیبرپختونخوا کا 4 اکتوبر کو ہر صورت ڈی چوک پہنچنے کا اعلان

(کویسٹ نیوز) وزیر اعلیٰ خیبر پختونخوا علی امین گنڈاپور نے کہا ہے کہ جتنا بھی وقت لگے، جتنی بھی رکاوٹیں ہوں لیکن احتجاج کیلئے ڈی چوک پہنچنا ہے۔

اپنے ویڈیو بیان میں وزیراعلی خیبرپختونخوا علی امین گنڈاپور نے کہا کہ 4 اکتوبر کو ڈی چوک میں پُرامن احتجاج ہوگا، خیبر پختونخوا سے قافلہ ان کی قیادت میں نکلے گا۔

علی امین گنڈاپور نے مزید کہا کہ خیبر پختونخوا کے علاوہ تمام حکومتیں مینڈیٹ چور ہیں۔

انہوں نے کہا کہ پنجاب اور وفاقی حکومت کو پیغام دینا چاہتے ہیں کہ ہر صورت میں احتجاج ریکارڈ کرائیں گے، قوم اور بانی پی ٹی آئی کیلئے نکلیں گے۔