کراچی: ملک بھر میں میڈیکل و ڈینٹل کالجوں میں داخلوں کے لیے 13نومبر کوایم ڈی کیٹ ٹیسٹ ہوگا۔
کراچی سمیت ملک بھر میں میڈیکل و ڈینٹل کالجوں میں داخلوں کے لیے 13نومبر کوایم ڈی کیٹ ٹیسٹ ہوگا، تحریری ٹیسٹ کا دورانیہ ساڑھے 3 گھنٹے ہوگا ٹیسٹ صبح 11 بجے شروع ہوکر ڈھائی بجے ختم ہوگا۔تحریری ٹیسٹ میں امیدواروں کے لیے موبائل فون اور کسی بھی قسم کی الیکٹرانک گھڑی یا ڈیوائس لانا ممنوع ہے کراچی میں تحریری ٹیسٹ ڈاؤ یونیورسٹی کے اوجھا کیمپس اور این ای ڈی یونیورسٹی میں منعقد کیے جائیں گے۔امیدواروں کو ہدایت کی گئی ہے کہ ایک گھنٹہ پہلے ٹیسٹ مراکز میں ایڈمٹ کارڈ کے ہمراہ پہنچیں، ٹیسٹ میں بیرون ممالک پاکستان و غیر ملکی 462 امیدوار بھی شرکت کریں گے.پاکستان میڈیک کونسل کی چیف کواڈینٹر جواد امین خان نے ایکسپریس کو ٹیسٹ کی تفصیلات بتاتے ہوئے بتایا کہ تمام تر تیاریاں مکمل کرلی گئی ہیں، اندورون سندھ میں تحریری ٹیسٹ حیدرآباد کی جامشورو یونیورسٹی میں ہونگے جبکہ یہ ٹیسٹ نواب شاہ میں بلاول اسپورٹس کمپلکس اور خیرپور میں بھی منعقد کیے جایں گے۔