خیبرپختونخواحکومت نے صوبے میں گرین انفراسٹرکچر میں اضافہ کرنے کا فیصلہ کیا ہے۔
وزیر اعلیٰ خیبرپختونخواعلی امین گنڈاپورسےورلڈ وائلڈ لائف فنڈپاکستان کےوفد نے ملاقات کی ،وفد نے بتایا ماحولیاتی تبدیلی کیلئےصوبائی حکومت کےاقدامات کوبین الاقوامی سطح پرپذیرائی ملی ہے۔
اس موقع پر علی امین گنڈا پور کا کہنا تھا کہ ماحولیات،جنگلی حیات اورآبی ذخائر کا تحفظ پہلے سے ہی ترجیحی شعبے ہیں۔
انہوں نے مزید کہا کہ خیبر پختونخوا میں ڈبلیو ڈبلیو ایف کے ری چارج پاکستان پروگرام کے اجرا کا فیصلہ کیا گیا ہے،سیلاب سے زرعی زمینوں کو محفوظ اور آبی ذخائر کے تحفظ کےمنصوبے شروع کئے جائیں گے۔
صوبے میں 10ہزار ایکڑ اراضی کو سیلاب کے خطرات سے بچایا جائے گا،آبی ذخائر کے تحفظ اور زیر زمین پانی کی سطح کو اونچا کرنے کیلئے اقدامات کئے جائیں گے۔
