خیبرپختونخوا میں کروڑوں کی کرپشن

پشاور-خیبر پختونخوا میں گزشتہ مالی سال کے دوران 24 محکموں میں 44 ارب 93 کروڑ روپے کی مالی بے ضابطگیوں کا انکشاف ہوا ہے۔ آڈیٹرجنرل آف پاکستان کی آڈٹ رپورٹ کے مطابق خیبر پختونخوا کے24 محکموں میں 44 ارب 93 کروڑ روپے کی مالی بے ضابطگیاں ہوئی ہیں، رپورٹ میں 24 سرکاری محکموں میں بیقاعدگیوں کے289 کیسز پر اعتراضات کییگئے ہیں۔ رپورٹ کے مطابق آلات کی خریداری کی مد میں 7 ارب 73 کروڑ 50 لاکھ روپیکی بے قاعدگیاں ہوئی ہیں جب کہ خلاف ضابطہ اور غیر مجاز ادائیگیوں سے خزانے کو 12 ارب 21 کروڑ 40 لاکھ روپیکا نقصان پہنچا ہے۔آڈٹ رپورٹ کے مطابق محکمہ صحت میں آلات اور ادویات کی خریداری میں 2 ارب 97 کروڑ 66 لاکھ روپیکی بے قاعدگیاں ہوئی ہیں جب کہ مولوی امیرشاہ اسپتال کی سی ٹی اسکین مشین کی خریداری میں 2 کروڑ 95 لاکھ روپے کے غیر ضروری اخراجات کا انکشاف ہوا ہے۔اسی طرح حیات آباد میڈیکل کمپلیکس میں کولنگ ٹاورکی تنصیب کے لیے7 کروڑ 38 لاکھ روپے کی مشکوک ادائیگیاں سامنے آئی ہیں، ضلعی ہیڈ کواٹر اسپتال باجوڑ اور ضلعی ہیڈ کواٹر اسپتال مہمند کے لیے آلات کی خریداری میں 8 کروڑ روپیکی بے ضابطگیاں ہوئی ہیں۔رپورٹ میں کہا گیا ہے کہ محکمہ داخلہ میں غیر ضروری اخراجات کی مد میں ایک ارب 94 کروڑ 32 لاکھ روپیکا نقصان پہنچا ہے، محکمہ پولیس نے نئی گاڑیوں کی خریداری کے لیے ایک ارب 35 کروڑ 68 لاکھ روپے وصول کیے۔آڈٹ رپورٹ میں محکمہ انرجی اینڈ پاور میں 23 ارب 96 کروڑ 74 لاکھ روپے کے آڈٹ اعتراضات کییگئے ہیں، محکمہ سی اینڈ ڈبلیو میں ایک ارب 9کروڑ 40 لاکھ روپیکی بے قاعدگیاں بھی سامنے آئی ہیں۔