وفاقی حکومت کی جانب سے حج درخواستوں کی وصولی کی آخری تاریخ میں 10 دسمبر تک توسیع کردی گئی ہے۔
وفاقی وزیر مذہبی امور چوہدری سالک حسین کا کہنا ہے کہ دور دراز علاقوں میں حج درخواستوں کے داخلے میں مشکلات کے باعث حج درخواستوں میں توسیع کی جا رہی ہے، توسیع کے بعد اب سرکاری حج اسکیم میں درخواستیں 10 دسمبر تک نامزد بینکوں میں جمع کرائی جا سکیں گی۔
ان کا کہنا تھا کہ 3 دسمبرتک موصول ہونے والی تمام حج درخواستیں کامیاب قرار دے دی گئیں ہیں، اسپانسرشپ اسکیم میں موصول ہونے والی تمام حج درخواستیں بھی کامیاب قرار پائی ہیں۔
وفاقی وزیر کا کہنا تھا کہ کوٹہ سے زائد درخواستیں موصول ہونے کی صورت میں قرعہ اندازی کی جائے گی اور سمندر پار پاکستانی 10 دسمبر تک اسپانسرشپ کی رقم لازمی جمع کروا دیں، اسپانسر شپ اسکیم میں موصول درخواستوں کو بلا قرعہ اندازی کامیاب قرار دیا جائے گا۔
Leave feedback about this