تنقید سے پریشان ویرات کوہلی کا برطانیہ منتقلی کا منصوبہ

بھارتی سٹار کرکٹر ویرات کوہلی کے بارے میں اطلاعات ہیں کہ وہ جلد بھارت چھوڑ کر برطانیہ منتقل ہو جائیں گے۔

بھارتی میڈیا کے مطابق ویرات کوہلی اپنی اہلیہ انوشکا شرما اوربچوں کیساتھ انگلینڈ منتقل ہونگے،ان کے بچپن کے کوچ راجکمار شرما نے بھارت چھوڑ کر انگلینڈ منتقلی کا دعوی کیا ہے۔

بھارتی میڈیا کے مطابق سابق کپتان اورانوشکا شرما کچھ عرصے سے زیادہ تر وقت انگلینڈ میں ہی گزارتے ہیں، یہ دونوں لندن میں پراپرٹی کے بھی مالک ہیں۔

کوچ راجکمار شرما نے کہا ہے کہ کرکٹر، اہلیہ اور بچوں کے ساتھ لندن منتقل ہونے کا پلان کر رہے ہیں، وہ زیادہ وقت اپنی فیملی کے ساتھ ہی گزارتے ہیں۔