ڈاکٹر فردوس عاشق اعوان نے استحکام پاکستان پارٹی کے مرکزی سیکرٹری اطلاعات کے عہدے سے استعفیٰ دے دیا۔
فردوس عاشق اعوان نے استعفیٰ پارٹی سربراہ علیم خان کو بھجوا دیا جس میں انہوں نے کہا ہے کہ ذاتی مصروفیات اور صحت کے مسائل کے باعث پارٹی کی ذمہ داریاں سرانجام نہیں دے سکتی، میرا استعفیٰ قبول کیا جائے۔
انہوں نے مزید کہا ہے کہ عوامی اور قومی مفاد میں بطور ممبر پارٹی کے لیے خدمات انجام دیتی رہوں گی۔
واضح رہے فردوس عاشق اعوان نے پاکستان تحریک انصاف چھوڑنے کے بعد آئی پی پی میں شمولیت اختیار کر لی تھی۔
